كيفيه معامله البنات

من طرف **اكرم النبوى** الإثنين مارس 19, 2007 10:00 am

عمرك حبيت بنت ؟! عمرك أعجبت بواحده ومش عارف (تبعبرلها) عاللي جوّاك ؟ أكيد أيوه

كلنا بنحب البنات وبننجرح جروح رهيبه منهم لما يفرئعونا

دول أكبر 10 غلطات بيقعوا فيهم الولد مع صاحبته (أو القطعه) بتاعته

1- إنك تكون (طيب أوي)كتير...

مشكله.... ملحظتش إن البنات الحلوين مبيتشدّوش للولاد الطيبين ؟؟

بص بأه البنت مبتخترش الولد علي حسب درجه طيبته , بتختار الولد حسب قوّته اللي بتشدها

نحيته (القوة في الكلام وساعات الجسم) أعمل ايه يعني ؟؟ مبقولكش روح سبّلها عشان تعجب بيك

ولا بقوللك خليّك علي طووول حنيّن معاها ... شكّل حبه أسوة علي حنّيه وإعرف إنك مش هتعرف تظبط الحركه دي من أوّل مرة.

2- إنك تقنعها إنها تحبك...

ايه أكتر الحاجه الولد بيعملها لما يعجب بواحده جامده , مزّة , بس هي مش مهتمّه ؟

بالظبط , بيحاول يقنعها إنها تفكّر بطريقه مختلفه....

هئوللك حاجه (عمرك ماهتعرف تغيّر رأي بنت بالذات في حتّه الانجذاب)

متئدرش أبدا تغيّر تفكير بنت (بالمنطق والفلسفه)

لو البنت مش مشدودالك , ايه اللي في الدنيا هيخليها تغيّر رأيها في سعادتك

فاللي بيحصل إننا لما نلائي بنت مش مهتمّه بنتحايل ونجري وراهم ونعمل اللي نئدر عليه عشان تغيّر رأيها...

فكرة وحشه ومش هتعمل حاجه.

3- تستني إذنها وإستسماحها...

لما الواحد بيعوز يرضي واحده (اللي إحنا للأسف بنعمله عشان نرضيهم) إن إحنا تشتري رضاهم وإستسماحهم

فكرة زي الزفت

لا يمكن البنت تنجذب لولد من النوع ده , لا يمكن

متخلنيش أغلط بأه

متعاملش البنت وحش عشان (تحبّك) , بس لو فاكر إن معاملتهم الصح إنك تشتري رضاها وتتمحّك فيهم فكر تاني

مش مصدئني ؟ إسأل أي بنت كدة عن الولاد اللي بيضايئوهم بالجري وراهم والتمحيك فيهم هتلاقيهم كتير فتمبئاش واحد منهم.

4- تشتري رضاها بالماديات...

عمرك خرجت مع الجوّ في عشوة حلوة كدة وإشترتلها هدايا وورود , في الآخر زحلقتك ومشيت مع حد مكنش بيعاملها حتي نص ما كنت بتعاملها ؟؟ لو إنت زيّي يبئا حصلّك كدة كتير

حزّر فزّر ايه اللي حصل ؟ دي حاجه طبيعيه جدا , أه وربنا

لما بتهادي البنت من دول فإنت كدة بتديلها رساله واضحه (أنا متهيألي عمرك ماهتحبيني وأنا زي مأنا فأنا هشتري رضاك وحبك بالماديات) فكرة مش حلوة بس مرّة أو مرتين مش هيخسّروا

5- تـئوللها عن مشاعرك بدري...

مشكله تانيه كبيرة إنك تـئولّها من تاني مقابله (أنا بجد بجد بحبك)

البنات بيحبوا العذاب ميحبوش الصراحه القويه بتاعه حضرتك دي , متتئل ياض شويه ؟

عارف هتئول عليك ايه ؟ هتئول عليك إنك واحد من اللي (بيئعوا) بسرعه ومبيعرفوش يمسكوا نفسهم

البنات الجامدين قليلين والواحده منهم الولاد بيحاولوا يـتـئربولها بأي طريئه كذا مرة في اليوم , يعني 100 مرة في الأسبوع وأرقام كتيرة في السنه فعندهم خبرة , عارفين هما متوقّعين ايه

فإنت إهداااا كدة خالص هتلاقي طرق تانيه غير الاعتراف.

6- إنك متعرفش ايه اللي بيشد البنت...

البنات بيتشدولنا بطريقه غير خالص ماحنا بنتشدّلهم , دي حقيقه لازم نقبلها ونعدّيها

إنت مثلا لما بتشوف بنت جامده لابسه ديّأ بمشيتها وطريقتها بيحصلنا هوس وئتي كدة ساعتها هل هما البنات بيتشدولنا بنفس الطريقه ؟هي البنت بتتشد بالمظهر بس زينا ؟

بعد 5 سنين دراسه للموضوع ده لئوا إن البنت بتتشد بحاجه تاني غير المظهر (أكيد منظرك لسه مهم متقابلهاش بفانله)البنات بيتشدولنا بللي هما بيحسّوه مننا بطريقه كلامنا وحركاتنا , فأنت لو بتعرف تستعمل كلامك ولغتك وإتصلاتك بينك وبينها هتقدر تخليها تحس بنفس الحاجه اللي بتشدّك ناحيه بنت لابسه ديّأ كما سبق القول

ودي مبتجيش بالحظ خالص , لازم تتعلمها وتعرفها.

7- إنك تـئول العمليه عايزة فلوس ومنظر...

غلط تاني إنك تـئول الحكايه عايزة فلوس أو شكل جامد أو طول معين إلخ. , أغلب البنات بيتشدّوا للرجاله بشخصيتهم أكتر من محفظته , إنت مش شفت أبل كدة بنات زي القمر ماشيين مع ولاد وحشين؟ أهو أنا بتكلّم في كدة , شخصيتك سلاحك وزي ما قلت لو بتعرف تستعمل كلامك وطريقتك هتعمل حاجه.

8- إنك تدّي كل ما تملك لبنت...

سبق وقلت إنك متستنّاش من البنت الإستسماح , والواحد يفتكر إنه لما ينفذ للبنت كل اللي هي عايزاه هتحبه , فكرة غلط ومبتنفعش , البنات مبيحبوش الولاد المطاوعينلهم , مبيحبوش الجُبَنا.

9- إنك متعرفش تعمل ايه بالظبط في المواقف المختلفه...

عارف إن البنت بتفهم وبتاخد بالها جدا من التعبيرات الكلاميه والحركات (أو لغه الجسم) عن الولد ؟ وعارف كمان إنها بتعرف تقرا التعبيرات دي أكتر 10 مرات من الولد ؟ فمثلا إنتو لو خرجتو وكنت عايز تمسك ايديها لاقدّر الله مثلا فهي عارفه إنك عايز تمسك إيديها قبل ماتعمل أي حاجه !! ولو معرفتش تخشّلها منين وأعدت باصصلها كدة وإنت متضايئ هتبئي فاهماك ومش هتساعدك, فمن المهم إنك تعرف هتعمل ايه بالظبط في كل المواقف

10- مش عارف تساعد نفسك...

هو ده سبب فشل معظم العلاقات في الآخر , دي حاجه إحنا اساسا مبنحبهاش في نفسنا يا بالك البنت بأه ؟

إحنا مش محتاجين مساعده حد .. إنت مش ضعيف هتعرف تعمل أي حاجه وكل حاجه لوحدك

وفي الآخر هئوللك :::

إستحمّي كتير وإتشيّك كتير وإتكلم قليل وإضحك قليل

بس متضيّعش وقتك

البنات: بسيطات لكن معقّدات , ضعفاء لكن أقوياء , طيبات لكن قاسيات (مش كدة ولا إيييه ؟؟)

اشطة

من طرف **فتى الاحلام** الثلاثاء مارس 20, 2007 5:07 pm

اللة عليك يا اكرم يا جامد يا رومانسى[size=24][/size]

من طرف **the mysterious man** الإثنين مارس 26, 2007 11:43 am

جميل الموضوع جدا ايه الحلاوة دى

من طرف no love no cry الثلاثاء مارس 27, 2007 12:35 pm

انا شايفه ان الكلام ده كويس بس فى حاجه واحده ان البنت تحب الرومانسيه والكلام الرقيق ولو بجد كمان حنيه لان الحنيه مش بتتشحت يعنى وكمان يكون محسسها انه مهتم بيهاوان هى اللى فى كل البنات عارف بمعنى اصح ما يشوف الا هى يحسسها انهعايزها وخلاص عارف والله البنت طيبه مش كلهم برده بس الاغلبيه هتبقى نفسها تكون معاه وخلاص عارف انا هقولك حاجه لو هو بيحبها بيتحس البنت بده والله وبتيقى عارفه بيكدب امتى او بيمثل امتى وساعتها هيقل فى نظرها وتستنى اقرب فرصه لحد ما تمل والملل بيولد الفشل صدقنى
خد الكلام ده منى انا انا بنت وافهم يا اكرم
ياريت بقى تكتب انت ازاى نعامل الولد مش البنت وكمان فى حاجه ازاى اللبس الضيق بيشد الانتباه هو اه بيشد الانتباه بس ساعتها انا بحتقر البنت دى واكيد الناس ازاى انت بتعجب بكده انت ممكن تعجب بيها تبص ليها مره لكن ترتبط متهيألى متآمنش لواحده فرجت الناس على نفسها ولا ايه النظام بااااااى

من طرف فارس الحروف الثلاثاء مايو 01, 2007 7:50 am

اللة عليك ياكوكو جاااااامد

من طرف دنيا الحب الجمعة مايو 04, 2007 6:36 pm

لاة لاة لاة لاة لاة

بجد موضوع جامد اووووووووووووى يا اكرم

وكلام اجمد بصراحة يعنى

وايوة كدة انصح الولاد يعملوا اية لحسن فى ناس مابتعرفش تقول كلمتين حلوين على بعضهم وبتحمر وبتكسف وعرق بقى وكدة فاهمنى طبعا

ويلاة عايزك تنصحهم على طول عايزنهم يعدوا المرحلة دى بقى

وعايزين نشوف ولاد بيفكروا حلو وبيعرفوا ازاى يتعملوا معنا وعلى فكرة واللة الشكل مش مهم الاهم ان الولد من دول يشد البنت ويعرف يعاملها كويس خد منى دنا ابص للولد مرة واحدة اعرف هوة بيفكر فى اية وعايز اية واعرف اذا كان بيتسلا ولا بيستهبل ولا اية

وبجد تسلم ايدك يا باشا

من طرف **اكرم النبوى** الجمعة مايو 04, 2007 10:35 pm

ربنه يخليكى يا عسل على كلامك الجميل ده

من طرف furby الأحد مايو 06, 2007 11:53 pm

يا سلام يا عم اكرم ايه ده انت بتدى محاضرات من ورانا ولا ايه طيب احنا عوزين باه محاضرات للبنات اوكى؟

من طرف hero الثلاثاء مايو 08, 2007 4:48 am

الله الله ايه الحلاوة دى بجد انت معيد اكاديميه الحب ده اللى فى قلبى على لسانك ياكايدهم اديهم كمان

من طرف **medo samy** الخميس مايو 10, 2007 6:28 am

يا سلام عليكى يا كوكو بس متوجعش قلبك البنات هما هما مش هيتغيرو لازم الولد يدى البنت على راسها عشان تحبوا اسئلنى انا بس مش لازم تديها على راسها لحد اما تموت يعنى حبه حنيه وحبه الله اما احفظنا
انا اسف للبنات على كلامى ده بس ااسال مجرب ولا تسالش دكتور كيفيه معامله البنات 129833